Sa forma - S'arti de sa gherra (8)

Sun Tzu iat nau:

E aici siast
Lestru che su bentu,
Pagu lestru che sa struvina,
Assaltilla e sperdi totu che su fogu,
Abarra siddau che unu monti,
Segretu che su yin,Lestru che su tronu.

Candu torrobas unu logu, partzi is fortzas.
Candu conchistas unu logu, partzi sa cosa furada.
Pensa a su de fai e fai-ddu.

Candu cumbatis a de dii, porta banderas e stendardus meda.
Candu cumbatis a su noti, porta tumborrus e campanas meda.
Tumborras e campanas, banderas e stendardus funt is ainas po fai a manera chi origas e ogus de is sordaus siant una cosa sceti.

Aici fait a ndi liai su ch'i a is tres armadas.
Fait a torrai a nudda sa conca de unu cumandanti.

Su ch'i a mangianu est friscu, a mesudii est fadiau, a merii est spaciau.
Unu generali àbili
Lassat a perdi a chini portat unu ch'i friscu e ferrit invècias a chini portat unu ch'i fadiau e spaciau.
Custa est s'arti de cuminci su ch'i.

Cun s'òrdini para su corru a fronti a su carraxu.
Cun s'atrapàsiu para su corru a fronti a s'impellida.
Custa est s'arti de cuminci sa conca.

Abeta acanta a su campu abì tocat a assaltillai a chini est atesu ancora.
Abeta pasiau a chini est trumentendi.
Abeta satzau a chini arribat famiu.
Custa est s'arti de cuminci sa fortza.

No ferrast a chini arribat cun is banderas beni postas in filera.
E nimancu a is chi funt medas.
Custa est s'arti de si baghillai.


No serbint a marolla is lìburus de economia po cumprendi s'economia.
A bortas bastat a ligi su chi scriiat prus de duamilla annus a oi sa genti a s'àteru càbudu de su mundu, po si nd'acatai de comenti is cosas andànt, andant e forsis ant a andai sèmpiri.

Sa primu parti dd'agatais innoi.
Sa segunda parti dd'agatais innoi. 
Sa de tres partis dd'agatais innoi.
Sa de cuàturu partis dd'agatais innoi.
Sa de cincu partis dd'agatais innoi. 
Sa de ses partis dd'agatais innoi.
Sa de seti partis dd'agatais innoi.